•  
  •  
  •  
  •  
  •  
  •  
  •  
  •  
  •  
  •  

KRIEKET: T20

Ons eerste krieketspan het op Donderdag, 25 Januarie op Keimoes teen Keimoes in 'n T20 wedstryd gespeel.

Duineveld het die loot gewen en besluit om eerste te boul. Die span van Keimoes het die hele 20 beurte gestaan maar kon slegs 86 lopies aanteken. Uitstaande Velties was Pearson Bothma wat 3 paaltjies vir drie lopies geneem het, Herman Visser wat 2 paaltjies vir 22 lopies geneem het en SJ Oberholzer wat 1 paaltjie vir 8 lopies geneem het.

Velties het daarna gaan kolf en in slegs 7 boulbeurte die teiken gehaal en slegs een paaltjie afgestaan. Uitstaande kolwers was Gustav Compion met 34 lopies nie uit nie, SJ met 31 lopies nie uit nie en Pearson met 18 lopies.

Die eerste krieketspan het ook nie daar gestop nie. In die T20 finaal teen Hoërskool Upington het hulle met 21 lopies gewen en deurgedring na die verdere groep wedstryde wat in Kimberley gaan plaasvind.

Tydens die wedstryd kolf die span van Duineveld eerste en teken 170/4 aan. Die uitstaande kolwer was  SJ wat 125 nie uit nie aangeteken het.

Daarna gaan Uppies in om te kolf maar kon slegs 149/8 in die 20 boulbeurte aanteken. Uitstaande boulers was Pearson wat een paaltjie laat val het, Muller du Plessis wat twee paaltjies gekantel het, Anthony wat een man afgestuur het en Herman Visser wat drie paaltjies laat val het.


Peason Jannie en kie resize 

Van links is, voor: Cassie Bubb en DW Swart
Middel: Jannie Visser, Ernst Carstens, Gustav Compion en SJ Oberholzer.
Agter: Anthony van der Merwe, Herman Visser, Tristan Barnard en Pearson Bothma.